KATHIRKOOTTAM

Tuesday, July 9, 2019

അധികാരരാഷ്ട്രീയം വ്യവസ്ഥിതിയോട് സമരപ്പെടാന്‍ പ്രേരിപ്പിക്കുന്നു • പുന്നല ശ്രീകുമാര്‍

എറണാകുളം:- .അധികാര രാഷ്ട്രീയമാണ് വ്യവസ്ഥിതിയോട് സമരസപ്പെടാൻ പുരോഗമന പ്രസ്ഥാനങ്ങളെ പ്രേരിപ്പിക്കുന്നതെന്ന് കെ പി എം എസ് ജനറൽ സെക്രട്ടറി പുന്നല ശ്രീകുമാർ പറഞ്ഞു. മഹാത്മഅയ്യങ്കാളിയുടെ 79-ാംഅനുസ്മരണ വാർഷിക ദിനത്തോടനുബന്ധിച്ച് എറണാകുളം ടൗൺഹാളിൽ സംഘടിപ്പിച്ച *നവോത്ഥാനസ്മൃതി* *സംഗമം* ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

അധികാരം പോലും ത്യജിച്ച് സമൂഹ സൃഷ്ടിക്ക്‌ നേതൃത്വം നൽകിയ ഇത്തരം പ്രസ്ഥാനങ്ങളുടെ ഇന്നത്തെ നിലപാടിൽ സമൂഹത്തിന് ആശങ്കയുണ്ട്, അത് ദൂരീകരിക്കാനുള്ള ഉത്തരവാദിത്വം ബന്ധപ്പെട്ടവർ നിർവ്വഹിക്കണം.

വിശ്വാസിസമൂഹത്തെ തിരിച്ചെത്തിക്കാനുള്ള ഇടതുമുന്നണിയുടെ പദ്ധതി പരിഷ്കരണ പ്രവർത്തനങ്ങളുമായി പൊരുത്തപ്പെടുന്നില്ല എങ്കിൽ നവോത്ഥാന മൂല്യ സംരക്ഷണത്തിന് പ്രസക്തിയില്ല, തിരഞ്ഞെടുപ്പ് ജയപരാജയങ്ങളുടെ തുലാസിൽ സാമൂഹ്യ പരിഷ്കരണത്തിന്റെ ഗുണഫലങ്ങൾ വിലയിരുത്തരുത്.

സമകാലിക സാമൂഹിക വിഷയങ്ങളെ അഭിസംബോധന ചെയ്യാതെ നവോത്ഥാന മുന്നേറ്റം സാധ്യമല്ലെന്ന് "നിഖാബ്", "കാർട്ടൂൺ വിവാദം" എന്നിവയെ പരാമർശിച്ച്‌ അദ്ദേഹം കൂട്ടിച്ചേർത്തു.

ചടങ്ങിൽ കെപിഎംഎസ് ജില്ലാ പ്രസിഡണ്ട് ശ്രീ എൻ കെ രമേശൻ അധ്യക്ഷത വഹിച്ചു. കെ പി എം എസ് സംസ്ഥാന ഖജാൻജി എൽ രമേശൻ, ജില്ലാ സെക്രട്ടറി ടി കെ രാജഗോപാൽ, SCATPEA സംസ്ഥാന പ്രസിഡണ്ട് ശ്രീ എംകെ വേണുഗോപാൽ സംസ്ഥാന കമ്മിറ്റി അംഗങ്ങളായ ശ്രീ ടിവി ശശി, ശ്രീ കെസി ശിവൻ, ശ്രീ എം രവി, ശ്രീ കെ എം സുരേഷ്, ശ്രീമതി സുനന്ദ രാജൻ, ശ്രീ പി കെ ബിജു എന്നിവർ പങ്കെടുത്തു.

Wednesday, June 26, 2019

തിരഞ്ഞെടുപ്പില്‍ സ്വതന്ത്ര നിലപാടുമായി • കെപിഎംഎസ്

തിരുവനന്തപുരം ∙ ലോക്സഭാ തിരഞ്ഞെടുപ്പിൽ സ്വതന്ത്ര നിലപാടു സ്വീകരിക്കാൻ പുന്നല ശ്രീകുമാറിന്റെ നേതൃത്വത്തിലുള്ള കേരള പുലയർ മഹാസഭ (കെപിഎംഎസ്) തീരുമാനം. ജനാധിപത്യ, മതേതര, നവോത്ഥാന മൂല്യങ്ങൾ സംരക്ഷിക്കുന്നവർക്ക് വോട്ടുചെയ്യാൻ അംഗങ്ങൾക്കു സ്വതന്ത്രാവകാശം നൽകുന്നതിനു സംസ്ഥാന നേതൃയോഗം തീരുമാനിച്ചതായി ജനറൽ സെക്രട്ടറി പുന്നല ശ്രീകുമാർ പറഞ്ഞു.

കെപിഎംഎസ് ഇടതുമുന്നണിക്കൊപ്പമാണെന്നു വ്യാഖ്യാനിക്കേണ്ടതില്ല. ആശയങ്ങളെ പിന്തുണയ്ക്കുന്ന സ്വതന്ത്ര സ്ഥാനാർഥികളെക്കൂടി ഉൾക്കൊള്ളുന്നതാണു നിലപാട്. നവോത്ഥാനവുമായി ബന്ധപ്പെട്ട് എൽഡിഎഫിനോടല്ല, സംസ്ഥാന സർക്കാരിന്റെ ആശയങ്ങളോടാണു തങ്ങൾ ചേർന്നു നിന്നത്. പല ആശയങ്ങൾക്കായി ഒരേവേദി പങ്കുവയ്ക്കുമ്പോഴും ഒരു മുന്നണിയോടും വിധേയത്വമില്ല. ഭരണഘടനാ തത്വങ്ങളും ജനാധിപത്യ മൂല്യങ്ങളും മനുഷ്യാവകാശവും സംരക്ഷിക്കപ്പെടണം. ശബരിമല വിഷയം രാഷ്ട്രീയവൽകരിക്കാൻ പാടില്ലായിരുന്നു.

മുഖ്യമന്ത്രി പിണറായി വിജയൻ മുൻകൈ എടുത്തു രൂപീകരിച്ച നവോത്ഥാന മുന്നണിയിലെ പ്രമുഖനാണു പുന്നല ശ്രീകുമാർ. എൽഡിഎഫിന്റെ ബ്രാൻഡായി കെപിഎംഎസ് മാറുന്നതു സംഘടനയ്ക്കു ദോഷം ചെയ്യുമെന്ന വിലയിരുത്തൽ സംസ്ഥാന സമിതിയിലും സെക്രട്ടേറിയറ്റിലും ഉണ്ടായി. അതിന്റെ കൂടി അടിസ്ഥാനത്തിലാണു സ്വതന്ത്ര നിലപാടു തീരുമാനിച്ചതെന്നാണ് ഒരുവിഭാഗം പറയുന്നത്. നിലപാടു വിശദീകരിക്കാൻ ഇന്നു മുതൽ 18 വരെ ജില്ലാ നേതൃയോഗങ്ങൾ ചേരും. സ്വകാര്യ, എയ്ഡഡ് മേഖലയിലെ സംവരണത്തിനായി പ്രക്ഷോഭമാരംഭിക്കുമെന്നു പ്രസിഡന്റ്് വി. ശ്രീധരൻ പറഞ്ഞു.

സ്വകാര്യമേഖലയില്‍ സംവരണത്തിന് നിയമം വേണം • കെപിഎംഎസ്

സ്വകാര്യമേഖലയിൽ കൂടി സംവരണം വ്യാപിപ്പിച്ച് സമൂഹ നീതി ഉറപ്പുവരുത്തുവാൻ കേന്ദ്ര-സംസ്ഥാന സർക്കാരുകൾ നിയമ നിർമ്മാണം നടത്തണമെന്ന് ആവശ്യപ്പെട്ടു കേരള പുലയർ മഹാസഭ സംസ്ഥാന സമ്മേളനം ആവശ്യപ്പെട്ടു സർക്കാർ ധനം വിനിയോഗിക്കുന്ന എയ്ഡഡ് വിദ്യാഭ്യാസ മേഖലയിൽ സംവരണം ഏർപ്പെടുത്തുവാൻ സർക്കാരും സർവ്വകലാശാലകളും നിയമ നടപടികൾ സ്വീകരിക്കണമെന്ന് സമ്മേളനം ആവശ്യപ്പെട്ടു. 1991 രാജ്യത്ത് ആരംഭിച്ച സാമ്പത്തിക പരിഷ്കരണ നടപടികൾ സ്വകാര്യവൽക്കരണത്തിന് കൂടുതൽ പ്രാമുഖ്യം ലഭിച്ചു ഈ മേഖലയുടെ വികസനത്തിന് പൊതു ആസ്തികൾ ആണ് ഉപയോഗപ്പെടുത്തുന്നത് ഇതിനായി വിട്ടു നൽകുന്ന സർക്കാർ ആസ്തികൾ പിന്നോക്ക വിഭാഗങ്ങൾക്ക് അർഹതപ്പെട്ട വിഹിതത്തിന് നഷ്ടം പരിഹരിക്കുവാൻ മറ്റൊരു മാർഗവും കണ്ടെത്തിയിട്ടില്ല. മേഖലയിൽ സംവരണം പോലുള്ള ഭരണഘടന പരിഷ്കരണങ്ങളുടെ അഭാവം വിഭവ വിതരണത്തിലെ പങ്കാളിത്തത്തിൽ പങ്കാളിത്തത്തിന് ഒഴിവാക്കപ്പെടുന്നത് ഇടയായി

സുഹൃത്ത് സമ്മേളനം മന്ത്രി ജി സുധാകരൻ ഉദ്ഘാടനം ചെയ്തു തിരുവനന്തപുരം ലത്തീൻ അതിരൂപത പിആർഒ ഫാ യൂജിൻ പൊരേര, കേരള മുസ്ലിം ജമാ അത്ത് ഫെഡറേഷൻ പ്രസിഡന്റ് അബ്ദുൾ അസീസ് മൗലവി, സി എസ് ഡി എസ് പ്രസിഡന്റ് കെ കെ സുരേഷ് ഐക്യ മലഅരയ മഹാസഭ ജനറൽ സെക്രട്ടറി പി കെ സജീവ് എന്നിവർ സംസാരിച്ചു കെപിഎംഎസ് പ്രസിഡന്റ് വി ശ്രീധരൻ അധ്യക്ഷനായി ജനറല്‍ സെക്രട്ടറി പുന്നല ശ്രീകുമാർ സ്വാഗതവും ഓർഗാനിക് സെക്രട്ടറി പി കെ രാജൻ നന്ദിയും പറഞ്ഞു.