മുളന്തുരുത്തി• പട്ടികജാതി കുടുംബത്തെ കള്ളക്കേസില്‍ കുടുക്കിയന്ന് ആരോപിച്ച് കെപിഎംഎസ് മുളന്തുരുത്തി പോലീസ് സ്റ്റേഷനിലേക്ക് മാര്‍ച്ച് നടത്തി.കീച്ചേരി ഗവ.ആശുപത്രിയില്‍ ചികില്‍സയിലായിരുന്ന തോട്ടറ പൊങ്ങുംകാലായില്‍ സുകുമാരനെയും മകന്‍ സുധീഷിനെയും അറസ്റ്റ് ചെയ്തതില്‍ പ്രതിഷേധിച്ച് എസ് എെക്ക് എതിരെ നടപടി എടുക്കണമെന്ന‌് ആവശ്യപ്പെട്ടായിരുന്നു മാര്‍ച്ച്.സംസ്ഥാന സെക്രട്ടേറിയേറ്റ് അംഗം ടി.എ വേണു ഉദ്ഘാടനം ചെയ്തു.സുരേഷ് എടമ്പാടം,കെ എം സുരേഷ്,സേതുനാഥ് പിടി,എന്‍ കുഞപ്പന്‍,സി ഗോപി,സി എസ് മനോഹരന്‍,പിഎസ് സുജയ്,എന്നിവര്‍ പ്രസംഗിച്ചു.
