സർക്കാർ ആസ്തികൾ വിനിയോഗിക്കുന്ന സ്വകാര്യ-കോർപറേറ്റ് മേഖലയിലും സംവരണം ഏർപ്പെടുത്താൻ കേന്ദ്ര-സംസ്ഥാന സർക്കാരുകൾ നിയമ നിർമാണം നടത്തണം കെപിഎംഎസ്

കൊച്ചി ∙ സർക്കാർ ആസ്തികൾ വിനിയോഗിക്കുന്ന സ്വകാര്യ-കോർപറേറ്റ് മേഖലയിലും സംവരണം ഏർപ്പെടുത്താൻ കേന്ദ്ര-സംസ്ഥാന സർക്കാരുകൾ നിയമ നിർമാണം നടത്തണമെന്നു കേരള പുലയ മഹാസഭ (കെപിഎംഎസ്) സംസ്ഥാന സമ്മേളനം ആവശ്യപ്പെട്ടു.

രക്ഷാധികാരിയായി പുന്നല ശ്രീകുമാർ വീണ്ടും തിരഞ്ഞെടുക്കപ്പെട്ടു. പ്രസിഡന്റായി പി.ജനാർദനനെയും ജനറൽ സെക്രട്ടറിയായി പി.കെ.രാജനേയും വർക്കിങ് പ്രസിഡന്റായി ടി.എ.വേണുവിനേയും തിരഞ്ഞെടുത്തു. ജനറൽ സെക്രട്ടറി കലാശാല ബൈജു നിയമസഭാ തിരഞ്ഞെടുപ്പിൽ യുഡിഎഫ് സ്ഥാനാർഥിയായി മൽസരിക്കുന്ന സാഹചര്യത്തിലാണ് ആ സ്ഥാനത്തേയ്ക്ക് പി കെ രാജന്‍നെ തിരഞ്ഞെടുത്തത്.

മറ്റു ഭാരവാഹികൾ: ശാന്ത ഗോപാലൻ, കടക്കുളം രാജേന്ദ്രൻ (വൈസ്. പ്രസി), പി.എസ്.രജികുമാർ (ഓർഗ. സെക്ര), സാബു കാരശേരി, ടി.വി.ശശി (അസി. സെക്രട്ടറിമാർ), എൽ.രമേശൻ (ട്രഷറർ). 17 അംഗ സെക്രട്ടേറിയറ്റും 61 അംഗ സംസ്ഥാന കമ്മിറ്റിയും രൂപീകരിച്ചു.

മാധ്യമ മേഖലകളില്‍ ദലിതര്‍ അവഗണിക്കപ്പെടുന്നു: കെപിഎംഎസ്

കൊച്ചി: സംസ്ഥാനത്തെ മാധ്യമ മേഖലകളില്‍ ദലിതര്‍ അവഗണിക്കപ്പെടുകയാണെന്ന് കെപിഎംഎസ് സംസ്ഥാന സമ്മേളനം. മാധ്യമങ്ങളില്‍ ദലിതരായ പത്രപ്രവര്‍ത്തകരെ കാണാന്‍ കഴിയാത്തത് നിര്‍ഭാഗ്യകരമാണെന്ന് സെമിനാര്‍ ഉദ്ഘാടനം ചെയ്ത് മുതിര്‍ന്ന മാധ്യമ പ്രവര്‍ത്തകന്‍ ചന്ദ്രദാന്‍ പ്രസാദ് പറഞ്ഞു. മാധ്യമങ്ങളില്‍ ദലിത് സമീപനങ്ങള്‍ കാഴ്ചവെക്കുന്നുണ്ടെങ്കിലും ദലിത് വിഷയങ്ങള്‍ ഉയര്‍ത്തി കാട്ടുന്നതില്‍ പരാജയമാണ്. മുമ്പ് ദലിത് പീഡനമെന്ന് മാധ്യമങ്ങള്‍ ഉപയോഗിച്ചിരുന്നില്ല. എന്തുകൊണ്ട് പത്രദൃശ്യ മാധ്യമങ്ങള്‍ ദലിതരുടെ നേട്ടങ്ങള്‍ കൊട്ടിഘോഷിക്കുന്നുവെന്നും ചന്ദ്രദാന്‍ പ്രസാദ് ചോദിച്ചു.
സാമൂഹിക നീതി ഉണ്ടാവണമെന്ന ലക്ഷ്യത്തോടെയല്ല മാധ്യമങ്ങള്‍ പ്രവര്‍ത്തിക്കുന്നതെന്ന് തുടര്‍ന്ന് സംസാരിച്ച ഡോ. സെബാസ്റ്റ്യന്‍പോള്‍ പറഞ്ഞു. ആദര്‍ശത്തില്‍നിന്ന് മാറിയുള്ള മാധ്യമ പ്രവര്‍ത്തനമാണ് നടക്കുന്നതെന്നും അവഗണനകളെ തരണം ചെയ്ത് ദലിതര്‍ മുന്നേറണം. സി.കെ. ജാനുവിനെ മാധ്യമങ്ങള്‍ അവഗണിച്ചു, പിന്നീട് അവരുടെ സമരം ശക്തമായപ്പോഴാണ് മാധ്യമങ്ങള്‍ ഏറ്റെടുത്തതെന്നും അദ്ദേഹം പറഞ്ഞു.
ദലിത് പത്രപ്രവര്‍ത്തകരും അവര്‍ക്ക് പത്രവുമില്ലെന്ന് അഡ്വ. ജയശങ്കര്‍ പറഞ്ഞു. രാഷ്ട്രീയ വിലപേശല്‍ ശക്തി ദലിത് സംഘടനകള്‍ക്കില്ലെന്നും രോഹിത് വെമുല വിഷയത്തില്‍ മുതല കണ്ണീരൊഴുക്കിയ പത്രങ്ങള്‍ ഫാറൂഖ് കോളെജ് വിഷയത്തില്‍ എന്ത് നിലപാടാണ് കൈകൊണ്ടതെന്നും കുറ്റപ്പെടുത്തി. ആര്‍. പാര്‍വതി ദേവിയും സംസാരിച്ചു. സെമിനാറില്‍ സണ്ണി എം. കപ്പികാട് മോഡറേറ്ററായി.

ഹിന്ദു എെക്യത്തിനുള്ള നീക്കം സംവരണം അട്ടിമറിക്കാനെന്ന് പുന്നല ശ്രീകുമാര്‍

കൊച്ചി•സംവരണ അട്ടിമറിക്കാന്‍ ദേശീയ തലത്തില്‍ ശ്രമം നടക്കുന്നതായി കേരള പുലയര്‍ മഹാസഭ രക്ഷാധികാരി പുന്നല ശ്രീകുമാര്‍. കേന്ദ്രം ഭരിക്കുന്ന നരേന്ദ്ര മോദി സര്‍ക്കാരിന് ഇക്കാര്യത്തില്‍ രഹസ്യ അജന്‍ഡകളുണ്ടെന്നു കെപിഎംഎസ് സംസ്ഥാന സമ്മേളനത്തോടനുബന്ധിച്ചു പ്രതിനിധി സമ്മേളനം  ഉദ്ഘാടനം ചെയ്തു കൊണ്ട് അദ്ദേഹം പറഞ്ഞു.
ഹിന്ദു എെക്യത്തിനു വേണ്ടിയുള്ള നീക്കത്തിനു പിന്നില്‍ നിലവിലുള്ള സംവരണം അട്ടിമറിക്കുകയെന്ന ലക്ഷ്യമാണുള്ളത്.
ആര്‍എസ്എസിന്‍റെ നയങ്ങള്‍ രാജ്യത്തു നടപ്പാക്കുന്നതിനുള്ള ഉപകരണം മാത്രമായി നരേന്ദ്രമോദി അധഃപതിച്ചിരിക്കുകയാണ് .സംവരണ വിരുദ്ധര്‍ ഉറഞ്ഞു തുള്ളുന്ന ഇന്ത്യയാണ് ഇന്നു ജനങ്ങള്‍ക്കു മുന്നിലുള്ളത്.ദളിത് പീഡനങ്ങള്‍ വര്‍ധിച്ചു വരുന്നു
ഭരണഘടന ഉറപ്പു നല്‍കുന്ന സംവരണ പരിരക്ഷയും പട്ടികജാതി-വര്‍ഗ അതിക്രമം തടയല്‍ നിയമവും അട്ടിമറിക്കാനുള്ള ശ്രമം ശക്ത്മാണ്.സംവരണ അട്ടിമറി ശ്രമങ്ങള്‍ക്കും ദളിത് പീഡനങ്ങള്‍ക്കും എതിരെ ശക്ത്മായ രണ്ടാം നവോത്ഥാന പ്രക്ഷോഭത്തിനു കെപിഎംഎസ് തയ്യാറെടുക്കുമെന്നു അദ്ദേഹം വൃക്തമാക്കി.സംസ്ഥാന പ്രസിഡന്‍റ് പി കെ രാജന്‍ അധ്യക്ഷനായി,ജന സെക്രട്ടറി ഇന്‍ ചാര്‍ജ് ടി എസ് റജി കുമാര്‍,ട്രഷറര്‍ എല്‍ രമേശന്‍,ടി കെ രാജഗോപാല്‍ എന്നിവര്‍ പ്രസംഗിച്ചു

സംവരണ പ്രതീക്ഷയും പ്രതിസന്ധികളും' സെമിനാര്‍ യുജിസി മുന്‍ ചെയര്‍മാന്‍ ഡോ. സുഖാദെയോ തൊറാട്ട് ഉദ്ഘാടനം ചെയ്തു