മിത്രങ്ങളെ,
കെ.പി.എം.എസ്സ് എറണാകുളം ജില്ലാ ജനറൽ കൺവൻഷൻ 2018 ജൂലൈ 30ന് തൃക്കാക്കര മുനിസിപ്പൽ ടൗൺ ഹാളിൽ ചേരുകയാണ്.
പൊതുവഴികൾ, പൊതു ഇടങ്ങൾ, പൊതുവിദ്യാഭ്യാസം എന്നീ ജനകീയ ആവശ്യങ്ങൾക്കായി പോരടിച്ച്, കേരളത്തിന്റെ നാടുവാഴിത്ത - ജാതി അധികാരഘടനയുടെ ഇടനെഞ്ചിലൂടെ മഹാത്മ അയ്യങ്കാളി വില്ല വണ്ടി ഓടിച്ചിട്ട് 125 വർഷം തികയുകയാണ്. 2018 ആഗസ്റ്റ് 26ന് കേരളത്തിന്റെ സാംസ്കാരിക വീഥികളിൽ കെ.പി.എം.എസ്സ് അഭിമാനത്തോടെ ഈ ചരിത്ര സമര സഞ്ചാര സാക്ഷ്യത്തെ "സ്മൃതി പഥം"ത്തിലൂടെ വീണ്ടും അടയാളപ്പെടുത്തുകയാണ്. സാംസ്കാരിക ഘോഷയാത്ര, സാംസ്കാരിക സമ്മേളനം, സാംസ്കാരിക കലാസന്ധ്യ തുടങ്ങിയവയോടെ കേരളത്തിലെ എല്ലാ യൂണിയൻ കേന്ദ്രങ്ങളിലും കെ.പി.എം.എസ്സ് ആഘോഷിക്കുകയാണ്.
വർത്തമാനകാല സാമൂഹ്യ ഘടനയിൽ നിറസാന്നിദ്ധ്യമറിയിച്ചു കൊണ്ട് കെ.പി.എം.എസ്സ് നടത്തുന്ന ഈ സാംസ്കാരിക നവോത്ഥാന മുന്നേറ്റത്തെ അടയാളപ്പെടുത്തുവാൻ, ഏക മനസ്സോടെ കർമ്മപഥത്തിലിറങ്ങുവാൻ, പ്രവർത്തകരെ സജ്ജരാക്കുവാൻ ചേരുന്ന ജില്ലാ കൺവൻഷൻ ബഹു.ജനറൽ സെക്രട്ടറി ശ്രീ. പുന്നല ശ്രീകുമാര്‍ ഉദ്ഘാടനം ചെയ്യും. മഹാസഭയുടെ സംസ്ഥാന നേതാക്കൾ കൺവൻഷനിൽ സംബന്ധിക്കും. മുഴുവൻ ജില്ലാ / യൂണിയൻ ഭാരവാഹികൾ, പോഷക ഘടകങ്ങളുടെ മുഴുവൻ ഭാരവാഹികൾ, ശാഖാ പ്രസിഡന്റ്, സെക്രട്ടറി, ഖജാൻജി, ശാഖയിലെ പോഷക ഘടകങ്ങളുടെ ഭാരവാഹികൾ എന്നിവർ ഉത്തരവാദിത്വബോധത്തോടെ കൺവൻഷനിൽ പങ്കെടുക്കണമെന്ന് അഭ്യർത്ഥിക്കുന്നു.
സ്നേഹാദരങ്ങളോടെ,
