പുരോഗമനവാദികൾ പീഡകരാകുന്നത് ദൗർഭാഗ്യം - പുന്നല ശ്രീകുമാർ

കോട്ടയം•പുരോഗമനവാദികളെന്ന് അവകാശപ്പെടുന്നവർ പട്ടികവിഭാഗങ്ങളെ പീഡിപ്പിക്കുന്നത് കൂടുതൽ ദൗർഭാഗ്യകരമാണെന്ന് കെപിഎം എസ് രക്ഷാധികാരി പുന്നലശ്രീകുമാർ പറഞ്ഞു.കേരള പുലയർ യൂത്ത് മൂവ്മെന്റ് സംസ്ഥാന സമ്മേളനം ഉദഘാടനം ചെയ്യുകയായിരുന്നു അദ്ദേഹം

ഉച്ചനീചത്യങ്ങളിലൂടെ മാത്രം നിലനിൽക്കാൻ കഴിയുന്ന ശക്തികൾ സമൂഹത്തിൽ സ്വാധീനമുറപ്പിക്കുന്നു. ഈ കാലഘട്ടത്തിൽ എല്ലാവർക്കും അഭിമാനത്തോടെ ജീവിക്കാൻ കഴിയുന്നതരത്തിൽ സമൂഹത്തെ ജനാതിപത്യ വൽക്കരിക്കണം -അദ്ദേഹം പറഞ്ഞു

കെപി വൈ എം സംസ്ഥാന പ്രസിഡന്റ് സാബു കാരശേരി അധ്യക്ഷത വഹിച്ചു. ജനറൽ സെക്രട്ടറി കെ ടി ധർമജൻ, അനിൽ ബഞ്ചമിൻ പാറ,കെപിഎം എസ് പ്രസിഡന്റ് പി ജനാർദ്ദനൻ, ജനറൽ സെക്രട്ടറി പി . കെ രാജൻ, വി ശ്രീധരൻ,ദേവരാജ് പാറശ്ശാല, അജിത് കല്ലറ, എം. ആർ രാജൻ തുടങ്ങിയവർ പ്രസംഗിച്ചു.

സംസ്ഥാന കമ്മിറ്റി ഭാരവാഹികൾ : അനിൽ ബഞ്ചമിൻ പാറ (പ്രസിഡന്റ് ), സുഭാഷ് എസ് കല്ലട (ജനറൽ സെക്രട്ടറി), അനിൽ കരിക്കോട് (ഖജാൻജി ), സുമേഷ്, അനൂപ് കെ കുട്ടപ്പൻ (വൈസ് പ്രസിഡന്റുമാർ ), കൊണ്ടോടിയിൽ മണികണ്ഠൻ, രതീഷ്‌ ലാൽ (അസ്സി. സെക്രട്ടറിമാർ )