തൊടുപുഴ: വിവിധ ആവശ്യങ്ങള്‍ ഉന്നയിച്ച് നടത്തുന്ന സമരം ഡല്‍ഹിയിലേക്ക് മാറ്റാന്‍ കെ.പി.എം.എസ്. സംസ്ഥാന സമ്മേളനം തീരുമാനിച്ചു. പിന്നാക്ക - പട്ടികവിഭാഗങ്ങളുടെ ഭരണഘടന പരിരക്ഷകളെ അട്ടിമറിക്കാനുള്ള ശ്രമങ്ങളുടെ കേന്ദ്രം രാജ്യതലസ്ഥാനമായതുകൊണ്ടാണ് സമരമുഖം മാറ്റാന്‍ തീരുമാനിച്ചത്. പട്ടികവിഭാഗങ്ങളോട് ഭരണകൂട നീതിന്യായസ്ഥാപനങ്ങള്‍ നീതി നിഷേധിക്കുന്നതായി കെ.പി.എം.എസ്. സമ്മേളനത്തില്‍ ആരോപണമുയര്‍ന്നു. പട്ടികവിഭാഗങ്ങള്‍ക്കെതിേര രാജ്യവ്യാപകമായി നടക്കുന്ന അതിക്രമങ്ങള്‍ക്ക് ഭരണകൂട പിന്തുണയുണ്ട്. സ്വകാര്യമേഖലയില്‍ സംവരണത്തിനായി പുതിയ നിയമം നിര്‍മിക്കണമെന്നും സമ്മേളനം ആവശ്യപ്പെട്ടു. പ്രസിഡന്റ് വി.ശ്രീധരന്‍ അധ്യക്ഷത വഹിച്ചു. പൊതുചര്‍ച്ചയ്ക്കുള്ള മറുപടി ജനറല്‍ സെക്രട്ടറി പുന്നല ശ്രീകുമാറും ട്രഷറര്‍ എല്‍.രമേശനും പറഞ്ഞു. സംഘടനാ പ്രമേയം വൈസ് പ്രസിഡന്റ് എ.സനീഷ് കുമാര്‍ അവതരിപ്പിച്ചു. പി.ജനാര്‍ദനന്‍, പി.വി.ബാബു, പി.കെ.രാജന്‍, ബൈജു കലാശാല, ടി.എസ്.രജികുമാര്‍, ഓമന വിജയകുമാര്‍, സുഭാഷ് കല്ലട, സുജ സതീഷ്, ദേവരാജ് പാറശാല, സാബു കൃഷ്ണന്‍ തുടങ്ങിയവര്‍ സംസാരിച്ചു. വി.ശ്രീധരനും പുന്നല ശ്രീകുമാറും തുടരും കെ.പി.എം.എസ്. സംസ്ഥാന പ്രസിഡന്റായി വി.ശ്രീധരനും ജനറല്‍ സെക്രട്ടറിയായി പുന്നല ശ്രീകുമാറും തുടരാന്‍ സമ്മേളനം തീരുമാനിച്ചു. മറ്റ് ഭാരവാഹികള്‍ എല്‍.രമേശന്‍ (ട്രഷ.), പി.ജനാര്‍ദനന്‍ (വര്‍ക്കിങ്ങ് പ്രസി.), എ.സനീഷ് കുമാര്‍, പി.വി.ബാബു (വൈസ് പ്രസി), ടി.എ.വേണു ( സെക്ര.), പി.കെ.രാജന്‍, ബൈജു കലാശാല (അസി.സെക്ര) എന്നിവരുള്‍െപ്പടെ 51 അംഗം കമ്മിറ്റിയെ തിരഞ്ഞെടുത്തു. ആര്‍.അജയഘോഷ് വരണാധികാരിയായിരുന്നു.
No comments:
Post a Comment