ശബരിമല: ഇപ്പോൾ നടക്കുന്നത് രാഷ്ട്രീയ സമരം-പുന്നല ശ്രീകുമാർ

കോട്ടയം: ശബരിമലപ്രശ്നം സംബന്ധിച്ച് ഇപ്പോൾ നടക്കുന്നത് വിശ്വാസികളുടെ സമരമല്ല രാഷ്ട്രീയ സമരമാണെന്ന് കെ.പി.എം.എസ്. ജനറൽ സെക്രട്ടറി പുന്നല ശ്രീകുമാർ പറഞ്ഞു. സാമൂഹികമാറ്റങ്ങളെ അക്രമങ്ങൾകൊണ്ട് തടയാൻ ശ്രമിക്കുന്നത് കേരളത്തിന്റെ നവോത്ഥാന പൈതൃകത്തോടുള്ള അവഹേളനമാെണന്നും ശ്രീകുമാർ പറഞ്ഞു.

കെ.പി.എം.എസ്. കോട്ടയം ജില്ലാ ജനറൽ കൗൺസിൽ യോഗം ഉദ്ഘാടനം ചെയ്യുകയായിരുന്നു ശ്രീകുമാർ. ജില്ലാ പ്രസിഡന്റ് കെ.യു.അനിൽ അധ്യക്ഷത വഹിച്ചു. സെക്രട്ടറി കാളികാവ് ശശികുമാർ, കെ.എ.കുഞ്ഞിക്കുട്ടൻ, ടി.എസ്.രജികുമാർ, സതീഷ് കുമാർ, സാബു കരിശേരി, അജിത്ത് കല്ലറ, ഡോ. അനിൽ അമര തുടങ്ങിയവർ പ്രസംഗിച്ചു.