മാന്യ മിത്രങ്ങളെ,
രണ്ടാം നവോത്ഥാനത്തിന് കാഹളം മുഴങ്ങിക്കൊണ്ട് കേരളത്തിലെ അധസ്ഥിത ജനവിഭാഗത്തിന്‍റെ നൊടുംതൂണായി പ്രവര്‍ത്തിക്കുന്ന കേരള പുലയര്‍ മഹാസഭയുടെ 46-മത് സംസ്ഥാന സമ്മേളനം ഒാഗസ്റ്റ് മാസം 12 മുതല്‍ 15 വരെ സംസ്കാരിക ജില്ലയായ തൃശ്ശൂരില്‍ നടക്കുകയാണ്
അതിനു മുന്നോടിയായി ഒാഗസ്റ്റ് 10 നു വൈകുന്നേരം 5മണിക്ക് ചെറായില്‍ സഹോദരനയ്യപ്പന്‍റെ ജന്മഗൃഹത്തില്‍ വെച്ച് നടക്കുന്ന സാംസ്കാരിക സമ്മേളനം ബഹു വനിത കമ്മീഷന്‍ ചെയര്‍പേഴ്സണ്‍ എം സി ജോസഫൈല്‍ ഉദ്ഘാടനം ചെയ്യും സംസ്ഥാന സമ്മേളന നഗരിയില്‍ ഉയര്‍ത്തുവാനുള്ള പതാക സഹോദരയ്യപ്പന്‍റെ പ്രിയപുത്രി ശ്രീമതി ഐഷാ ഗോപാലകൃഷ്ണനില്‍ നിന്നും KPMF സംസ്ഥാന ജനറല്‍ സെക്രട്ടറി ശ്രീമതി സുജാ സതീഷ് ഏറ്റുവാങ്ങി പ്രയാണം ആരംഭിക്കും
ഒരു കാലത്ത് നിലനിന്നിരുന്ന സാമൂഹിക ജീര്‍ണ്ണതക്കെതിരെ പന്തിഭോജനം എന്ന മഹാ വിപ്ലവം സൃഷ്ടിക്കുകയും സമുദായത്തില്‍ വേരുന്നിയിരുന്ന അനാചരങ്ങള്‍ക്കും അന്ധവിശ്വാസങ്ങള്‍ക്കുമെതിരെ പോരാടി, സഹോദര പ്രസ്ഥാനം വഴി കേരളത്തില്‍ പരിവര്‍ത്തനത്തിന്‍റെ കൊടുങ്കാറ്റഴിച്ചുവിട്ട മഹാനായ സഹോദരനയ്യപ്പന്‍റെ വര്‍ത്തമാന കാലഘട്ടത്തില്‍ ചില ഓര്‍മ്മപ്പെടുത്തലുകള്‍ നടത്തുന്നു
സാമൂഹിക-സംസ്കാരിക-രാഷ്ട്രീയ രംഗത്തെ പ്രഗത്ദരായ വൃക്തിത്വങ്ങള്‍ പങ്കെടുക്കുന്ന ഈ സംസ്ക്കാരിക സംഗമം വിജയിപ്പിക്കുവാന്‍ എല്ലാ സഭാമിത്രങ്ങളെയും ഈ നാട്ടിലെ എല്ലാ സുമനസുകളെയും സ്നേഹപൂര്‍വ്വം സ്വാഗതം ചെയ്യുന്നു...
No comments:
Post a Comment