തിരുവല്ല:നൂറ്റാണ്ടുകളോളം നിലനിന്ന ഉച്ചനീചത്വങ്ങളിലൂടെ പാര്‍ശ്വവത്കരിക്കപ്പെട്ട ഒരു ജനവിഭാഗത്തിന് കേവലം ഐക്യത്തിലൂടെ അവസരസമത്വം ഉണ്ടാകില്ലെന്ന് കെ.പി.എം.എസ്. രക്ഷാധികാരി പുന്നല ശ്രീകുമാര്‍ പറഞ്ഞു. കേരള പുലയര്‍ യൂത്ത് മൂവ്‌മെന്റ് സംസ്ഥാന സമ്മേളനം തിരുവല്ലയില്‍ ഉദ്ഘാടനം ചെയ്യുകയായിരുന്നു അദ്ദേഹം. സംവരണത്തിന്റെ അടിസ്ഥാന തത്വത്തില്‍ മാറ്റം വരുത്താനുള്ള ഒരു നീക്കവും അനുവദിക്കില്ല. നവോത്ഥാനപാരമ്പര്യമുള്ള എസ്.എന്‍.ഡി.പി.യെ പോലുളള പ്രസ്ഥാനങ്ങള്‍ മൂല്യങ്ങള്‍ കൈവെടിയരുതെന്ന് ശ്രീകുമാര്‍ കൂട്ടിച്ചേര്‍ത്തു.
കെ.പി.വൈ.എം. പ്രസിഡന്റ് സാബു കാരിശ്ശേരി അധ്യക്ഷത വഹിച്ചു. ജനറല്‍ സെക്രട്ടറി കെ.ടി.ധര്‍മ്മജന്‍, സുധീന്ദ്രന്‍, പി.കെ.രാജന്‍, ബൈജു കലാശാല, എല്‍.രമേശന്‍, പി.ജനാര്‍ദനന്‍, രാജന്‍ തോട്ടപ്പുഴ, കെ.എന്‍.അച്യുതന്‍ തുടങ്ങിയവര്‍ പ്രസംഗിച്ചു.
No comments:
Post a Comment